Një numër i madh i fletëvotimeve të pavlefshme e kanë përcjellë Kosovën edhe në këto zgjedhje parlamentare, të cilat janë mbajtur ditën e diele më 6 tetor.

Sipas Komisionit Qendror të zgjedhjeve, numri i votave të pavlefshme në këto zgjedhje është 40 mijë e 732.

Komunat të cilat kanë më së shumti vota të pavlefshme janë: Novobërda, Skenderaj,  Drenasi, Podujeva, Lipjani, Rahoveci, Dragashi, Malisheva, Kamenica dhe Vitia.

Lidhur me ketë temë, Telegrafi ka biseduar me përfaqësuesit e organizatave joqeveritare, të cilët bëjnë edhe monitorimin e zgjedhjeve.

Jetmir Bakija nga organizata joqeveritare “Demokracia Plus”, numëroi disa arsye që ndikojnë në numrin e madh të fletëvotimeve të pavlefshme.

“Numri i lartë i votave të pavlefshme po e përcjell Kosovën që sa vite. Në zgjedhjet e kaluara të 2017-së në fakt kishim numër edhe më të lartë të votave të pavlefshme, mbi 42 mijë vota të pavlefshme. Këto vota të pavlefshme paraqesin 5% të votës të përgjithshme. Në zgjedhjet e vitit 2014 ishin mbi 30 mijë vota të pavlefshme por për shkak se kishte më pak votues, kjo shifër prapë paraqet normën e njëjtë të votës së përgjithshme. Tri komunat me më së shumti numër të votave të pavlefshme në zgjedhjet e kaluara e duket se edhe në këto zgjedhje dalin të jenë Skenderaj, Drenas dhe Novobërda, të cilat mbërrijnë normën rreth 10%. Pra gati çdo i dhjeti person hedh në kuti votë të pavlefshme. Janë së paku tri arsye pse një fletëvotim shpallet i pavlefshëm: votuesi mund të shënoj vetëm kandidatët dhe jo partinë ose shënohet më shumë se një parti ose në rastin kur me qëllim prishet fletëvotimi për shkak të pakënaqësisë së votuesit me skenën politike, apo siç njihet edhe si votë e protestës. Fletëvotimi edhe mund të prishet nga ndonjë person në kohën kur numërohen mirëpo gjasat e kësaj janë të vogla pasi ka komisionerë e vëzhgues të subjekteve të ndryshme gjatë numërimit të cilët e mbrojnë votën e të gjithëve”, ka thënë Bakija në një deklaratë të dhënë për Telegrafin.

Jetmir Bakija nga organizata joqeveritare “Demokracia Plus”

Ai tregoi se çfarë veprimesh duhet ndërmarrë në mënyrë që në zgjedhjet e ardhshme numri i fletëvotimeve të pavlefshme të mos jetë kaq i madh.

“KQZ pas zgjedhjeve të vitit 2014 kishte bërë një auditim të fletëvotimeve të disa kutive për të parë arsyet e votave të pavlefshme, mirëpo kjo nuk ishte përcjell me edukim të votuesve në mënyrë të targetuar. Duhet të shikohet komunat dhe lokacionet me vote të lartë të votës së pavlefshme dhe KQZ së bashku me organizata jo-qeveritare duhet të targetojnë ato komuna e lokacione për edukim se si votohet”, u shpreh ai.

Gjithashtu, drejtoresha ekzekutive e Lëvizjes FOL, Mexhide Demolli-Nimani, tha për Telegrafin se Komisioni Qendror i Zgjedhjeve duhet t’i kushtoj rëndësi kësaj çështje.

“Padyshim se nëpër çdo palë zgjedhje që mbahen në Kosovë kemi një numër të madh të votave të pavlefshme, ku edhe në zgjedhjet e fundit fatkeqësisht kishte një numër shumë të madh të tyre. Mendoj se KQZ duhet t’i kushtoj rëndësi kësaj çështje dhe të na jap statistika se sa është numri i fletëvotimeve ku qytetarët me vetëdije të plotë e bëjnë votën e tyre të pavlefshme dhe po ashtu të dimë numrin e saktë të fletëvotimeve të cilat qytetarët nuk kanë arrit ta kuptojnë se si të votojnë”, tha ajo.

Drejtoresha ekzekutive e Lëvizjes FOL, Mexhide Demolli-Nimani

Ajo përmendi disa raste kur qytetarët votojnë vetëm kandidatët për deputetë dhe jo subjektin politik, dhe që kjo votë shpallet e pavlefshme.

“Kemi raste kur janë plotësuar vetëm numrat e deputeteve por jo edhe partia në këtë rast i bie që ata se kanë pasur të qartë mënyrën e votimit, ashtu siç edhe kemi raste kur qytetarët kanë bërë votën e tyre të pavlefshme me vetë dëshirë ngase nuk iu ka pëlqyer asnjëra nga ofertat e tyre që në këtë rast dallon shumë nga ato rastet tjera kur një kategori e qytetarëve nuk kanë arrit ta kuptojnë drejtë mënyrën e votimit”, theksoi ajo.

Më poshtë Telegrafi ua sjellë numrin dhe përqindjen e votave të pavlefshme në zgjedhjet 2019 në Kosovë:

Ndryshe, në zgjedhjet parlamentare, kanë votuar 812 mijë e 49 votues apo 44.18 për qind. Sipas rezultateve preliminare të Komisionit Qendror të Zgjedhjeve, partia fitues është Lëvizja Vetëvendosje me gjithsej 203 mijë e 52 vota ose 25.49 për qind. Pas VV-së, radhitet Lidhja Demokratike e Kosovës me 197 mijë e 702 vota ose 24.82 për qind. Partia Demokratike e Kosovës zë vendin e tretë me 169 mijë e 211 vota ose 21.24 për qind.
 

 

Kryetari i Lëvizjes Vetëvendosje, Albin Kurti përmes një postimi në “Twitter”, ka njoftuar për takimin e sotëm me ambasadorin amerikan në Gjermani, Richard Grenell dhe ambasadorin amerikan në Kosovë, Philip Kosnett.

Kurti ka thënë se në takim ka falënderuar Richard Grenell për mbështetjen e vazhdueshme të SHBA-së, për Kosovën në kohë lufte dhe paqeje, transmeton Telegrafi.

“Sa i përket dialogut ndërmjet Kosovës dhe Serbisë, unë thash se përmbajtja e tij është më e rëndësishme sesa afatet”, ka shkruar Kurti në Twitter.

 

 

Lexo po ashtu:

Veseli e Haradinaj arrijnë në takim tek Grenell

 

I dërguari Special i presidentit amerikan Donald Trump për dialogun Kosovë-Serbi, ambasadori Richard Grenell ka takuar gjatë ditës edhe presidentin e Kosovës, Hashim Thaçin si dhe disa nga liderët politikë.
 

Historia e shengenit ballkanik – ideja e viteve ’90-ta dhe konkretizimi në Samitin e Triestes

18 minuta

 
 

 

Ideja e shengenit ballkanik, qarkullon në fakt prej kohësh, por aktorët kanë ndryshuar.

Që në fillim të viteve ’90-ta, Adem Demaci, doli me idenë e një konfederate të Ballkanit, pjesë e të cilës do të ishin Kosova, Serbia, Mali i zi dhe Maqedonia, pa ndryshim të kufijve të atëhershëm, por kjo ide nuk u pranua nga Beogradi. Në 2010, ishin presidentët e katër vendeve të rajonit, ai kosovar Fatmir Sejdiu, ai shqiptar, Bamir Topi, presidenti malazez Filip Vujanoviq dhe presidenti maqedonas, Geoge Ivanov që folën për një mini-shengen ballkanik e sipas tyre, realizimi praktik i kësaj nisme ishte i afërt.

Ideja u duk se u përgjum për pak kohë për tu rishfaqur fuqishëm në prapaskenat e asamblesë së përgjithshme të kombeve të bashkuara, në shtator, kur ishte presidenti serb, Aleksander Vuçiq, ai që foli për mini shengenin ballkanik, pjesë të cilit do të ishin Serbia, Shqipëria dhe Maqedonia e Veriut. I pyetur nga gazetarët, nëse edhe Kosova do të ftohej të ishte pjesë e këtij shengeni ballkanik, Vuçiq tha se, “është e rëndësishme për Serbinë që Prishtina të përfshihet në këtë proces”.

Sidoqoftë, Kosova, por edhe mali i zi, e kundërshtojnë mini-shengenin ballkanik, pasi e shohin atë një rikthim të ish-Jugosllavisë.

Lexo po ashtu:

Nënshkruhet deklarata për lëvizjen e lirë të mallrave ndërmjet Shqipërisë, Maqedonisë së Veriut dhe Serbisë

 

Tani, autoritetet e Serbisë thonë se shengeni ballkanik do të ndikojë në aspektin ekonomik në rajon. Le të fillojmë me këto tre shtete, në aspektin strategjik shumë me rëndësi, për të shkuar poshtë, drejt Greqisë, drejt porteve të Shqipërisë, dhe kjo për Serbinë ka një rëndësi të madhe”, thotë zëvendëskryeministrja serbe. Edhe kryeministri Rama, nga Nju Jorku, tha se shengeni rajonal do të ndihmonte në heqjen e kufijve në Ballkan për njerëzit dhe mallrat ndërsa Maqedonia e Veriut e vuri theksin tek përfitimet e mëdha ekonomike për rajonin.

Ndërsa, Prishtina, ende pa një reagim zyrtar, por përmes zërit të ish-kryenegociatorës në dialogun me Serbinë, Edita Tahiri, e ka kundërshtuar shengenin e ballkanit, duke e quajtur atë një tendencë neo-jugosllave që do ti shkaktonte dëm Ballkanit dhe Evropës. Ballkani-sipas saj- nuk duhet të jetë i interesuar që t’i hap kufijtë mes tyre, por drejt BE-së. /TCH/
 

Rama-Vuçiq-Zaev shtrëngojnë duart: Nuk do ta presim Bashkimin Evropian, s’jemi prioritet i tyre

3 orë

 
 

 

Edi Rama, Alekandar Vuçiq dhe Zoran Zaev u zotuan sot se do të çojnë përpara të gjitha angazhimet që kanë marrë për bashkëpunimin e thellë midis tre shteteve.

Duke folur në konferencën e përbashkët me presidentin serb Aleksandar Vuçiq dhe kryeministrin maqedonas Zoran Zav, Rama tha se angazhimet dhe projektet që synohen të çohen përpara janë dakordësuar në kuadër të Procesit të Berlinit.

Ai theksoi se Ballkani Perëndimor nuk është më prioritet i Bashkimit Evropian, por kjo nuk duhet t’i pengojë tre shtetet që çojnë përpara axhendën e bashkëpunimit.

“S’ka ndryshim agjende në raport me partnerët ndërkombëtarë, por ka një ndryshim formati që është i ndërtuar mes nesh pa pritur që Bashkimi Evropian të ketë kohë të merret me ne. Le ta themi siç është realiteti, ne nuk jemi prioriteti i BE-së, prioriteti i tyre është procesi ku kanë hyrë për të reformuar veten. Ne nuk mund të presim të bëhemi prioriteti i BE-së, por të avancojmë duke strukturuar një veprim shumë më aktiv”, u shpreh Rama.

Kryeministri shqiptar garantoi se në bashkëpunimin midis tre shteteve nuk ka asgjë të panjohur nga çfarë është diskutuar më parë edhe me shtetet e tjera të rajonit.

Presidenti serb Aleksandar Vuçiq, tha se në takimin e sotëm kanë nënshkruar një dokument, i cili sipas tij përmban zbatimin e katër lirive kyçe: lirinë e shërbimeve, lirinë e kapitalit, lirinë e qytetarëve dhe lirinë e lëvizjes së mallrave.

“Dokumenti që kemi nënshkruar përmban zbatimin e katër lirive kyçe që janë të pranuara ndërkombëtarisht: liria e shërbimeve, liria e kapitalit, liria e qytetarëve dhe liria e lëvizjes së mallrave. Besojmë se qytetarët e vendeve tona meritojnë të ardhme më të mirë dhe standarde më të mira. Është koha që me mënyra të reja t’i përmirësojmë marrëdhëniet tona. Qëllimi jonë është që deri më 2021 të mundësojmë me letërnjoftim të kalojmë kufijtë e këtyre shteteve”, tha mes tjerash Vuçiq.

Ndërsa kryeministri i Maqedonisë së Veriut Zoran Zaev, tha se takimi i sotëm dhe të tjerët që do të jenë në të ardhmen, janë për të krijuar Ballkan që do të respektohet nga të tjerët, që do të jetë më konkurrent dhe më tërheqës për investuesit, si dhe të rinjtë.

“Qëllimi jonë është për standard më të madh, më shumë para dhe fuqi ekonomike më të madhe, si dhe vende të reja pune, në mënyrë që të rinjtë të mësojnë, studiojnë në cilin do rajon dhe të mund të punësohen”, tha Zaev.

Ai shtoi se në hapjen e përbashkët të kësaj iniciative është që të dërgohet mesazhi se Ballkani nuk është më fuçi baruti, por rajon i stabilitetit.

Zaev gjithashtu theksoi se bashkëudhëheqja e Maqedonisë së Veriut dhe Bullgarisë me Procesin e Berlinit do të jetë nxitës për këtë iniciativë./Telegrafi/TCh/
 

Detaje të reja nga vrasja në Kavajë

4 orë

 
 

 

Për ngjarjen në Kavajë ku një person mbeti i vrarë dhe një tjetër i plagosur, në pranga ka rënë edhe një 27 vjeçar.

I arrestuari është shtetasi B. Toçi, 27-vjeç, vëllai i policit të plagosur në këtë ngjarje, Bledar Toçi.

Prishtina dominohet nga e portokallta – Prezantohet ikona Clio e re

E SPONSORUARLEXO MË SHUMË

Pasi ka ndodhur vrasja, policia ka ushtruar kontroll në banesën e të plagosurit dhe ka gjetur shtatë doza kokainë që i përkisnin 27 vjeçarit. Arrestimi i tij u bë për veprën penale “Prodhimi dhe shitja e narkotikëve”.

Lexo po ashtu:

Shkojnë njëkohësisht tek e dashura e përbashkët, dy burra në Kavajë përplasen me armë - një i vdekur dhe një i plagosur

 

Ndërkohë, policia ka arrestuar edhe Bledar Toçin, me detyrë Shef i Sigurisë së Brendshme pranë burgut të Durrësit. /TCH/

 

• Bashkia e Kavajes
• Kavajë
• Vrasje

Veçoritë që duhet t’i dini para se të bleni banesë të reSponzorizuarLexo më shumë

TË NGJAJSHME

• Shpërndante kokainë, si u kap “eksperti i Elbasanit” - për të mos u përgjuar përdorte disa celularë
• Shkojnë njëkohësisht tek e dashura e përbashkët, dy burra në Kavajë përplasen me armë - një i vdekur dhe një i plagosur

Tension te Drejtoria e Policisë së Tiranës, protestojnë banorët e Unazës së Re

4 orë

 
 

 

Ka nisur me tension protesta e banorëve të “Unazës së Re” përpara ambienteve të Drejtorisë së Policisë së Tiranës.

Një prej banorëve ka tentuar të thyejë derën kryesore të godinës së policisë, por është ndaluar nga protestuesit e tjerë.

Mëngjesin e sotëm u shoqëruan disa banorë të asaj zone, çka ka ngjallur reagimin e ashpër të të afërmve të tyre.

Aktualisht përpara ambienteve të Drejtorisë të Policisë ndodhen edhe disa prej ish-deputetëve të PD dhe LSI.

Banorët e “Unazës së Re” protestojnë prej gati një viti kundër projektit që parashikon zgjerimin e rrugës dhe shembjen e shtëpive të tyre. /TCH/

Te Gjitha Keto Informata u mundesuan Nga Info-Kosova (Lon Jashari) Ju Faleminderit